061 272 27 27

info@cabtown.ch

Erlaubet das mr ys dien präsentiere, ohni lang ume zschwadroniere.

Mir heisse cabtown dä Name isch glatt, e Taxizentrale, do z’ Basel-Stadt.

 

Mir hän ys zum Ziel gmacht es dörft euch interessiere, s’ Taxigwärb komplett zmodärnisiere.

Die Branche dunggt ys gar verstaubt, und jeglicher kreatividäd beraubt.

Mr nämes drum ab jetzt in d Hand und schnyydere däm Business e ganz neus Gwand.

 

Dr Herbscht haltet yzug in unserer Stadt, d Däg wärde dunkler, trischdr und matt.

Am Morge ufzstoh, das isch uns e Gruus, niemer macht gärn e Schritt vors Huus.

Dr Beebi frierts an Hals und Nagge, alli dien sich warm verpacke.

Dr Herbschtwind duet au zünftig bloose, über Plätz, durch Gasse und Stroosse.

 

Doch mir d cabtown bliibe uf trab und sin uf de Strosse scho meh als barat.

Doch jedi Idee brucht Zyt zum ryffe, bis zum Schluss diemr no dra umeschlyffe.

Au unseri Website mir gäns jo zue, steggt momentan no in de Kinderschueh.

Bitz miemer no tüfftle an unserer Siite do losst sich eifach nit drüber stritte.

no bitzli baschtle, überlege und teschte, denn fir euch, liebi Kunde wänn mir nur s’ Beschte.

 

Für euch, liebi Kundschaft do z’ Basel-Stadt, mache mir kei Sekunde schlapp.

Au kurzi Fahrte dien ys nit reue will mir uns über jede Bebbi freue.

 

Also Bebbi muesch e Taxi ha, vo a nach b, vo b zu a
denn lütt doch eifach bi uns a dinere cabtown Gmbh.

 

Uns kame natirlig au bstelle, und sehr gärn an Fründe witerverzelle.